TRABALLOS SOBRE PERSONAXES DE ASTÉRIX

Aquí tedes os primeiros traballos que elaboraron os nos@s alumn@s sobre o proxecto de Astérix e Obélix e as civilizacións antigas. Trátase de pequenos traballos de investigación sobre diversos personaxes que aparecen  nos cómics de Astérix. Os cativ@s buscaron información en internet sobre cada personaxe e elaboraron unha pequena descrición de cada un deles.

Aquí tedes os resultados!!! Preme na imaxe para acceder.

A MÁQUINA DO TEMPO

Con este recurso poderás aprender moitas cousas sobre as civilizacións máis importantes ao longo da historia. Recorrerás culturas como: o antigo Exipto, Roma, Grecia, etc., e aprenderás cousas moi intersantes sobre a sociedade, inventos, descubrimentos, etc.

Preme na imaxe para xogar.

RECURSOS SOBRE A CIVILIZACIÓN ROMANA

Preme nas diferentes imaxes para acceder ás diferentes actividades sobre a civilización romana e todo o relacionado co Imperio Romano.

Con estes recursos poderás aprender unha chea de cousas sobre Roma, a súa cultura, por onde se extendeu o Imperio Romano, como estaba dividida a sociedade romana, quen fundou a cidade, etc,

CORREO DE TENTALIBRÍN

Como xa ven sendo habitual nos últimos anos, o correo de Tentalibrín segue a ser unha ferramenta fundamental para que os nen@s se animen a escribir pola súa conta. Así pois, durante este curso manteremos este recurso que tanto resultado nos leva dado dende que o comezamos a utilizar hai dous cursos.

Cada día os cativ@s nos sorprenden coas súas cartas, nas que comentan cousas súas, sobre como se atopan, as súas inquedanzas, plans para as vacacións, como o pasaron nas diferentes celebracións do colexio, etc., ata escriben contos que lle envían a Tentalibrín.

Preme nas imaxes para ver algunhas das cartas que levamos recibido dende o inicio deste curso.

CONTACONTOS EN INGLÉS

Aquí tedes un fragmento do contacontos en inglés que tivemos a semana pasada no colexio.

AS FAMILIAS TAMÉN CONTAN ...

Hoxe comezamos na biblioteca unha nova andaina na que imos contar cos pais e nais que se presentaron voluntarios ao comezo do curso para colaborar coa biblioteca.

 

Na biblioteca seguimos a introducir novidades e desta vez trátase de agasallar aos cativos coa presenza dos seus familiares na bibloteca. Nesta ocasión visitounos María, a nai de Lucía de 6º de Infantil. Contounos o conto do "Señor Ramón e a Señora Ramona",gustounos moito e pasámolo moi ben.

Para rematar fixemos uns debuxiños relacionados co conto. Dende o Equipo de biblioteca dámoslle as grazas a María pola súa colaboración e invitámola a que volva sempre que queira.

Preme na imaxe para ver todos os debuxos.

CONTACONTOS EN INGLÉS "TROUBLE IN THE JUNGLE"

O pasado xoves os alumn@s de Primaria do CEIP Mallón asistimos a unha sesión de contacontos en inglés titulada "Trouble in the jungle".

Pasámolo moi ben e participamos no conto poñendo en práctica o vocabulario e as cancións que traballamos co profe de inglés durante as semanas anteriores.

TRIVIAL ASTÉRIX E OBÉLIX

Dende o equipo de biblioteca do CEIP Mallón elaboramos un xogo de preguntas tipo trivial de Astérix e Obélix. Tivo unha gran acollida entre os cativos e agardamos que poidan aprender moitas cousas relacionadas co proxecto deste ano ao mesmo tempo que se divirten.

Podes descargar os arquivos listos para imprimir na seguinte ligazón:

https://www.dropbox.com/sh/72mzkqjeozm8b9x/NafIs2_7wX/TRIVIAL%20AST%C3%89RIX