Este ano a biblioteca do CEIP Mallón inscribiuse no programa de bibliotecas escolares solidarias , integrado no PLAN LÍA ( Lectura , Información e Aprendizaxe ) de bibliotecas escolares da Consellería de Cultura, Educación e Universidade .
O alumnado de 5º e 6º de Primaria que se presentou voluntario para participar como colaborador/a da biblioteca, asinou un compromiso personal e unha autorización familiar para asistir un día á semana , no tempo de lectura, á biblioteca para colaborar como voluntario/a.
En total beneficiáronse de esta actividade 30 alumnos/as de 5º e 6º de Primaria.
Tamén se beneficiaron o resto de alumnado do centro que puideron disfrutar dos contos , teatros e recomendación levadas a cabo por estos voluntarios .
ACTIVIDADES
O alumnado recibiu INFORMACIÓN E FORMACIÓN SOBRE O USO E FUNCIONAMENTO DA BIBLIOTECA . Case a totalidade dos voluntarios descoñecían como se ordenaban os libros, que significaban as distintas cores e a CDU dos libros, donde estaban as distintas categorías ...
Este ano por protocolo COVID as aulas teñen ,ademais da biblioteca de aula, unha caixa con libros da biblioteca para o servizo de préstamo . Este cambio provocou algún que outro descontrol , polo que o alumnado voluntario tivo que ordenar en varias ocasións, as montañas de libros que aparecían enriba das mesas.
Tamén aprenderon a rexistrar eles mesmos os libros que levaban .
ACTIVIDADES DE COHESIÓN DE GRUPO.
· Conta os teus gustos literarios
· Que libros che gustaría que tivera a biblioteca do cole?
· Que actividades che gustaría facer ?
CONTACONTOS - TEATRILLOS
Formaron entre eles grupos de 2 - 3 persoas e escolleron de entre os libros presentes na biblioteca os contos que lerían ou representarían ao resto de alumnado do centro.
A continuación os grupos presentaron os contos escollidos e entre todos deron ideas de como sería a mellor forma de contalo ( lelo, representalo con títeres, luz negra, mural… ) eles decidiron o que lle apetecía facer e coa axuda da coordinadora da biblioteca preparárono en horas non lectivas. Ensaiaron en varias sesións na biblio e representárono a algunhas aulas.
O protocolo COVID dificultou moito esta actividade e quedaron algúns cursos sen visitar, a espera de que o clima permita realizalos no exterior. O COVID complicou bastante esta actividade.
Representáronse en infantil, 2º , 5º e 6º de primaria.
En algunha ocasión se realizou no centro unha actividade de contar a outras aulas, pero sempre coma actividade dirixida polo titor/a e soamente de lectura. Nesta ocasión foron eles os que organizaron a actividade e engadiron outras actividades coma luz negra, teatro de títeres e material elaborado por eles.
Tamén gravaron os contos para subilos á web e compartilos co resto da comunidade educativa.
RECOMENDACIÓNS LECTORAS.
Fixeron murais que colgaron na biblioteca , de recomendación lectoras para o resto de alumnado
Os contos que se utilizaron para esta actividade foron:
· Monstruo Rosa. Olga de Dios. Apila
· A que sabe a lúa. Michael Grejniec. Kalandraka.
· A mellor sopa do mundo. Susanna Isern. OQO
· Bágoas debaixo da cama. Ana Meilán. Entre Nubes y Cuentos.
· O coelliño branco. Xosé Ballesteros. Kalandraka
· As rabietas de Simón. Ian de Haes. Tramuntana
· Monstruosa sorpresa. Édouard Manceau. Cubilete
· Rana de tres ojos. Olga de Dios. Apila
· Orellas de bolboreta. Luisa Aguilar. Kalandraka
· Todos menos uno. Érik Battut. Libros del Zorro Rojo.
Creouse un grupo de voluntarios que gravan vídeos falando sobre libros.
