O pasado mércores, as clases de 3º, 4º, 5º e 6º recibimos na biblioteca a Afonso, biólogo e apaixonado defensor da natureza. Explicounos unha chea de cousas sobre a importancia de coidar o medio ambiente, a necesidade de controlar a expansión das especies invasoras como o eucalipto ou a acacia e de valorar a importancia de apostar polas especies autóctonas como o carballo ou o castiñeiro. Tamén amosounos unha chea de fotografías dos incendios do ano 2017 e as súas fatais consecuencias para a flora e a fauna. Pero como non todo ía ser tristeza e destrución, tamén nos ensinou como despois dunha catástrofe medioambiental a natureza comeza a recuperarse. Moitas grazas pola túa visita, seguro que nos volveremos a ver!
