O GATO CON BOTAS (6º PRIMARIA).

Adaptación do conto clásico "O gato  con botas" realizada polos alumn@s de 6º de Primaria.  

Os alumn@s traballaron o conto que lles foi asignado: confeccionaron as figuras coas personaxes, gravaron as voces e prepararon os decorados coas das diferentes escenas do conto. 

Agardamos que vos guste!!!

ENTROIDO 2015

Xa están dispoñibles as fotos da celebración do Entroido 2015 no colexio. Como non podía ser doutro xeito este ano o Entroido tivo como temática "Os contos clásicos", xa que na biblioteca estamos a traballar nun proxecto sobre este tema.

Preme na imaxe para acceder á galería.

RECUNCHO PARA AS FAMILIAS

Esta semana comezou a funcionar no colexio o "Recuncho para as familias".
Neste espazo as familias poderán atopar e levar emprestados libros relacionados coa educación dos e que dende o equipo de biblioteca pensamos que poden ser de utilidade para traballar cos cativ@s na casa. Agardamos que esta nova iniciativa teña moito éxito e pouco a pouco iremos incorporando novos fondos que podan ser de utilidade .

UN NADAL DE CONTO

 Este ano estamos a traballar nun proxecto sobre os contos clásicos, polo que decidimos enlazar dito tema coa decoración do colexio polas festas de Nadal.

Os diferentes cursos confeccionaron libros en miniatura para decorar a árbore.

 Como non podía ser doutro xeito o noso nacemento tamén estaba baseado nos contos clásicos, e nel podiamos atopar personaxes como: os tres porquiños, o xenio de Aladino, Cincenta, etc. 

Aquí tedes o resultado.