AS FAMILIAS TAMÉN CONTAN ...

Hoxe visitounos Ana, a nai de Adriana de 5 anos. Desta vez contounos dous contos, en primeiro lugar "O cazo de Lorenzo" e en segundo lugar " A princesa que bostezaba a todas horas".

Para rematar, Adriana contounos tamén un conto amosándonos a todos o ben que sabe ler.

AS FAMILIAS TAMÉN CONTAN ...

O pasado Luns recibimos na biblioteca a Silvia, a nai de Iago de 1º de Primaria. Con ela aprendemos unha chea de cousas sobre o aparato circulatorio e os diferentes órganos do corpo humano.

 Para rematar, coa axuda de Silvia inventamos unha historia na que os alumn@s eran uns exploradores que viaxaban nunha nave ao interior do corpo. Pasámolo moi ben e aprendemos moitas cousas. 

AS FAMILIAS TAMÉN CONTAN ...

A semana pasada visitounos Araceli, a nai de xulián de 5 anos. Nesta ocasión contounos o conto de león e a valentía. Ademais despois fixemos unhas chapiñas de cartulina na que debuxamos cousas que antes nos daban medo pero que agora xa non o fan.

AS FAMILIAS TAMÉN CONTAN ...

Despois dun curso no que traballamos a reo na biblioteca, durante este trimestre estamos a recibir na biblio aos familiares de diferentes alumn@s.
Nesta ocasión visitounos Ángeles, a nai de David de 1º de primaria e contounos un conto portugués chamado "Rúa das cáries", que trata da importancia de ter unha adecuada hixiene dental.
Tamén nos explicou moitas cousas sobre a dentadura: tipos de dentes, partes, etc.

FESTIVAL LETRAS GALEGAS 2015

Esta semana celebramos no colexio o Día das Letras Galegas. Para comezar, os alumn@s de 6º expuxeron a presentación que prepararon sobre Filgueira Valverde.

 A continuación, os alumn@s de Infantil interpretaron todos xuntos a canción "O galo canta e a galiña chora".

Ademais os cativ@s de 5 anos tamén fixeron un recitado de versos de Rosalía de Castro.

Por outra banda, a clase de 5º de primaria interpretou a canción do "Pirimpimpín" de Malvela.

 Despois os alumn@s de 1º ciclo de primaria pasaron a presentar os caligramas que fixeron na biblioteca. Os de 1º baseados no texto "O Pomar" de Filgueira Valverde e os de 2º tomando como referencia o texto "Avoa Clara".

Seguíronlles os alumn@s do 2º ciclo, que presentaron os libros de versos encadenados que elaboraron na biblioteca inspirándose no texto "A tendeira" de Xosé Filgueira Valverde.

De seguido, os nen@s do 3º ciclo pasaron a presentar os acrósticos que elaboraron sobre a vida e obra do autor homenaxeado coas Letras Galegas.

Para rematar houbo unha entrega de premios para os alumn@s que participaron voluntariamente no concurso "Nós lemos e ti?" que organizou o Equipo de Dinamización Lingüística. No que os nen@s fixeron fotos co seu libro favorito en galego, explicando porque lles gustou ese libro a cada un deles.

Como colofón final cantamos todos xuntos o Himno Galego, que os cativ@s aprenderon durante estas últimas semanas.

VERSOS ENCADENADOS 4º PRIMARIA

Os alumn@s de 4º tamén fixeron o seu libro de versos encadenados inspirados no texto "A tendeira".

VERSOS ENCADENADOS 3º PRIMARIA

Para conmemorar o día das Letras Galegas e tomando como referencia o texto "A tendeira", de Filgueira Valverde, os alumn@s de 3º de primaria elaboraron un libriño de versos encadenados.

CALIGRAMAS 2º PRIMARIA

Caligramas realizados polos alumn@s de 2º de primaria. Os nen@s elaboraron os caligramas co texto "Avoa Clara" de Xosé Filgueira Valverde, axudados por unha plantilla coa silueta da cara dunha avoa.

CALIGRAMAS 1º PRIMARIA

Caligramas realizados polos alumn@s de 1º de primaria. Os cativ@s elaboraron os caligramas co texto "O pomar" de Filgueira Valverde, axudados por unha plantilla coa silueta da árbore.