Durante a semana do Día do Libro levamos a cabo unha serie de actividades para conmemorar esta data sinalada. O primeiro día tocaron as xa clásicas "lecturas compartidas" nas que os alumn@s máis grandes léronlles contos aos máis pequenos.
Por último, despois de que os pequen@s escoitaran os contos con gran atención,por parellas, pasaron a facer un debuxo relacionado co conto.
O Luns recibimos na biblioteca ao gran Anxo Moure, que nos amenizou a mañá coas súas historias, contos e bailes.
Con Anxo aprendimos unha chea de cousas sobre árbores, barcos e seres mitolóxicos do río Miño.
Pasámolo moi ben cantando e bailando!!! Pero sobre todo aprendemos o importante que é coidar o noso entorno e respetar a Natureza.
Como colofón final a esta semana de celebracións tivemos a oportunidade de coñecer a un gran artista do Val Miñor, Jacobo Lijó, que nos falou da importancia das ilustracións nos contos para nen@s.
Para rematar, despois de amosarnos algunhas das súas creacións fixemos un obradoiro de debuxo no que Jacobo nos ensinou algúns trucos que podiamos empregar para debuxar a Tentalibrín, a mascota da biblioteca.
Podedes ver o resto de imaxes na páxina web do colexio.