Outro ano máis celebramos o Samaín no colexio e o equipo de biblioteca estivo moi presente á hora de organizar moitas das actividades que se celebraron este día.
Para esta celebración decoramos a biblioteca como se merece e organizamos unha sesión de contacontos para Infantil e 1º ciclo de Primaria a cargo da profe Vero.
Tampouco faltou a merenda terrorífica con que nos agasallaron as familias, demostrando que son uns verdadeiros artistas. Estaba todo boísimo!!!
Tamén houbo tempo para a música e os cativos representaron dúas cancións sobre o Samaín que prepararon co profe Jandro.
Por último os alumnos do 2º e 3º cilo de Primaria expuxeron as rimas e conxuros que elaboraron as semanas anteriores na hora semanal de biblioteca.
Como non podía ser doutro xeito, a nosa mascota Tentalibrín tamén estivo connosco, desta vez disfrazado de pantasma.
Podes visitar a páxina web do colexio para ver todas as fotos.
Ningún comentario:
Publicar un comentario